إرجع وإلا أحرقك
#إرجع_وإلا_أحرقك
من فترة خطر ببالي اشتغل معالج لحالات المس والسحر … وأعرف هذا العالم بطقوسه المربحة ماديا
لي صديق شيخ اسمه الشيخ عادل حضرت معه عدة جلسات..
صحيح كنت أرى حاجات يشيب لها الرأس لكن أحبيت الموضوع خصوصا أنني شعرت بأنها مغامرة ,وأنا بطبعي أحب المغامرات
المهم في هذه الجلسات تعلمت حاجات جمدوا قلبي قليلا واعتقدت أنني أصبحت معالج ..
وبالفعل أعلنت أمام بعض الناس انني أصبحت معالج..
خلال أسبوع واحد من هذا الإعلان إتصل بي أحد الأصدقاء في منتصف الليل وقال لي :
**الحقني يامصطفي.!!!.
قلت له :
خير ياسيد في إيه ؟!
قال لي:
**اخويا متحول علينا وعمال يكسر في البيت ويطلع اصوات غريبه وبيشتمنا,وبيهددنا أنه هيموتنا ومش قادرين عليه ..
مش أنت قلت أنك بتعالج ؟! تعال إلحقه الله لايسيئك وإلحقنى قبل ماتحصل حاجه**
قلت له:
**انا هلبس وجاي .., مسافة السكة..**
طبعا أنا كنت فرحان لأنه سأعالج حالة وحدي ,وفي نفس الوقت كنت خائفا, لأنها أول مرة..
لكن تغلبت على خوفي وذهبت إليهم…
عندما دخلت البيت وجدت التلفزيون مكسور وأشياء كثيرة في البيت مدغدغة وناس كتيرون جالسون في صالة البيت وكلهم ينتظرون البطل الذي سيأتي لإنقاذهم الذي هو أنا.!!!
الغرفة التي أمام الصالة بابها مقفل , و رضا أخو سيد , يضرب الباب ويقول كلام غير مفهوم وبعدها يشتم ويهدد ..
طبعا أنا دخلت بكل ثقه وقلت لهم :
**ماتقلقوش خير بإذن الله … أنا بس عايز حد يفهمني فيه إيه؟
وهو كان بيشتكي من حاجه قبل كدا أو عمل حاجه غلط؟!
أو رمي مياه سخنه في الحمام؟ أو رفع صوته في الحمام أو أي حاجه شبه كدا؟**
قالوا لي:
**لا أبدا هو فجأة لقيناه بالشكل دا !!!
قلت لهم :
**طيب ماتقلقوش أقل من نص ساعة وكل دا هينتهي إن شاء الله , أنا بس عايز إتنين أو ثلاته صحتهم حلوة
يدخلوا معايا عشان يمسكوه**
كلهم نظروا لبعض ولا أحد منهم نطق … الباشوات خافوا !!!!
بصراحه عندهم حق ! رضا هذا لو رأيتموه يجيب لكم صرع ,, يشبه درفة الباب وطالع له بني آدمين في ذراعيه
كررت لهم نفس الطلب ,, فنظروا لبعض مرة أخرى وسكتوا …
بعدها قام سيد أخوه وقال لي :
**تعالى أنا هاجي معاك ..**
قلت في نفسي :
“انا هعمل زي الشيخ عادل (الي كنت بطلع معاه الجلسات) هرسم دايره وهفضل أقرأ في آيات معينه ,هتخلي الحاله ماتقدرش تقرب مني ، وكذا كذا أنا معالج أصلا..والجن الذي في الحالة أول ماهيشوفني هيخاف مني وهيبعد مش هيقدر يقرب لي”
المهم نظرت للناس نظرة استهزاء بهم وأنه لا يهمني وأنني مستعد أدخل لوحدي خصوصا أنه فيه أناس كتيرون جالسين , وهذا في حد ذاته سيكون أروع دعاية لي بعد ذلك..
فتحت باب الغرفة ودخلت بخطوات كلها ثقه .. أول مادخلت وجدت رضا رافع لوحة خشب !!!
أخوه سيد هرب عندما رأى منظر أخوه رضا وقفل باب الغرفة وتركني أنا واخوه رضا ..!!!
امام هذا المنظر كنت أشعر أن قلبي سيتوقف !! لكن تماسكت وقلت له بصوت مرتفع :
** إرجع وإلا أحرقك **
وجدته ينظر إلي بعينين كلها غضب .. رسمت بسرعة دائرة وبدأت أقرأ بسرعة ..وأنا لازلت أقرأ وجدته حامل لوحة خشب منظره جعلني أنسى كل القرآن الذي أحفظه وبدأت أقول له :
إرجع وإلا أحرقك ..إرجع وإلا أحرقك !!!!
فقال لي :
** تحرق مين يابن ال*****تييييييييت ..
وبدأ يضربني حتى تكسر علي لوح الخشب….
بدأت أصرخ بأعلي صوتي واستغيث و أقو ل له :
**ارجع وإلا أحرقك ….إلحقوني !!!!..
لكن لا حياة لمن تنادي ، وهو يضربني بيديه ويركلني برجليه ..وأنا لم أستطع أن أقاومه أو حتى أشتمه,,إلى أن فقدت الوعي.
فتحت عيني في المستشفي وجدت يدي الإثنتين و رجلي الشمال متجبسين ,وكدمات في جسمي ..
وأخبروني أن الناس دخلت وأنقذتني منه ..وأن الولد رضا كان شارب مخدرات وواخد حبوب مخدرة !!!!!
يا للمصيبة ,,,وأنا معتقد أنني أعالجه من السحر وأرسم له دائرة وأقول له : **ارجع وإلا أحرقك**
الحمد لله من بعد ماشفيت ..لو وجدت نفسي بالقرب من شارعهم أغير الطريق لكي لا يرانني أحدهم..
حتي الشيخ عادل نفسه قطعت علاقتي معه وأقسمت أن لا أكررها مرة أخرى ..
قال مغامرات وسحر قال.
حسني عبد العظيم #وقائع_الشارع_العربي