لا فرق بين السكر والملح
![](https://ashariealarabiy.com/wp-content/uploads/2024/06/لا-فرق-بين-الملح-والسكر-780x470.png)
يحكي شخص ويقول : كنت أشترى خبز من مخبز وحلواني ..
طلبت الخبز قالوا لي يحتاج عشر دقائق ويطلع من الفرن .. قررت انتظر وبدأت اتفرج على الحلويات التي بيبيعها المحل ، كانت حاجات حلوه قوى وملفته للنظر فعلا .. دخل المحل شاب صغير حوالى ١٨ سنه ..
للوهله الاولى شكله يعطي انطباع انه شاب غير سوي يعنى داخل بسيجاره ولابس سلسله واوشام على جسمه وكده .. صاحب المحل طلب من الشاب يطفئ السيجاره فالولد اعتذر بأدب شديد وخرج رمى السيجاره برا المحل ودخل اعتذر تانى ووجه احمر من الكسوف .. طلب الشاب نص دستة جاتوه وبدأ يختار القطع التي تعجبه.. كان يختار بدقه شديده وحب وشغف.. كان واضح انه يختار القطع اللى بيحبها ومنتظر انه يستمتع ويتلذذ بيها ..
دخل رجل شكله وملابسه توحى بالتواضع.. غالبا بيشتغل حارس فى احد العمارات القريبه .. كان معاه ابنه طفل صغير حوالى ٦ سنين .. الرجل طلب ب ٢ جنيه خبز ووقف ينتظر مثلي .. بدأ الطفل يحرك عينه فى المحل بانبهار وشوق وبعدين شد ابوه من هدومه وقال له حاجه فى أذنه وهو يشير الى الجاتوه .. الاب طبطب عليه وراح سأل صاحب المحل عن السعر وبعدين رجع تانى طبطب على ابنه وقاله بكره اجيبلك لأننا لا نملك الا ثمن الخبز لأجلك انت واخيك وانتم ذاهبون للمدرسه .. انا والشاب الصغير (ابو سلسله ) اخدنا بالنا من الموقف ده وبينما انا متأثر وصعبان عليا الولد وصل الخبز .. اخد الرجل وابنه الخبز اولا وخرجوا .. وهما لا زالا عند الباب اقترب منهما الشاب (ابو سلسله ! ) واعطى علبة الجاتوه كلها للطفل وأصر على ابوه ان ياخدها .. مفيش كلام ممكن يوصف نظرة السعاده فى عينين الطفل ولا نظرة الإمتنان والشكر فى عيون الاب .. مش دى الحاجه الوحيده المثيره للاعجاب ؛ صاحب المحل قال للشاب اجيبلك جاتوه غير اللى اديته للولد ؟ .. كان رد الشاب انه ما كانش معاه غير الفلوس اللى دفعها بس هو ممكن يجيب فى اى وقت تانى .. الله على جمالك وجمال قلبك وإيثارك الغير…
#العبرة:
لا تتعجل في الحكم على الآخرين من أول نظرة.. فلا فرق بين لون “الملح و السكر”لكن ستعرف الفرق بينهما بعد التجربة ولا تتعجل في الحكم على الآخرين دون تحقق: فقد تُنزِل رفيعاً وتَرفَع وضيعاً
محمد عطية #الشارع_العربي