fbpx
قصص من الواقع

ضوماطليات

طقم أسنان فوقاني مكفول

من فترة شهر تقريباً…رحت علىٰ طبيب الأسنان

لأن الفك العلوي فاضي؛  إلا من نابين ع اليمين

ونابين ع الشمال

المهم :  قال الطبيب بدك بدلة فوقانية .

إي : توكل علىٰ الله يا حكيم ؛ وشوف شغلك

وبلش أخونا بالله يعمل خلطة مشان يأخد طبعة .

كزّ ياأبو أحمد ( يعني عض )

ٱه!!!  يا دكتور لو بعرف عض كان وضعي فوق الريح

ضحك الدكتور وغمي عليه .

معقول ما بتعرف تعض؟ .

صدقني ما بعرف عض يا حكيم .

ويكتر خير الله إني ما بعرف بعضّْ ؛

لإني كنت عضّيت نص العالم .

ضحك أكتر وفقعت مرارتو من الضحك .

هلأ بإمكانك تعضّ يا أبو أحمد .

هيك قال الدكتور أسامة :

وبإمكانك تكسر بندق ولوز بقشره وتقرط كاجو .

يعني دعمتلك البدلة بالفولاذ مشان المكسرات .

بس للأمانة حاسس كلشي في هالدنيا إلو نياب وكلشي بيعضّ .

يعني اللحّام بيعضك .

والخضرجي بيعضك.

والخبّاز بيعضك .

وصاحب المول  بيعضك.

والشوفير بيعضك.

والصيدلاني بيعضك .

لك حتىٰ بياع الفلافل بيعضك .

والشاطر بدو ينهشّ نهشّة:  .أف . أف . أف .

بس بدي أعرف شلون قضيت هالخمسين سنة وما

تعلمت العضّ؟… هيك قال الدكتور أسامة .

عضّو شباب عضّو .!!!

الدنيا بلا عض ما بتسوا شي .!!!

بس ٱخر دعاية  قال :

الشباب بدن يوقفوا  العضّ في شهر رمضان .

خالد ع الكريم **الشارع العربي **

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى