fbpx
مختارات الشارع العربيمن وحي قصائدي

..رحلت قبل أن يكون اللقاء ..

الشارع العربي
الشارع العربي
ألَو
مرحبا ..يا أمي :
أهلين ..يا إبني
– كيفك..
شو عم تعملي ؟!!
-عاملة محاشي ..
كوسا وبيدنجان و يبرق منشانك بالذات ..
لأنه بعرفك بتحب اليبرق كتير ..تعال وجيب مرتك بسرعة .
وأنا بتصل على اخواتك البنات يجهزو ا حالهن لبين ما توصل لعندهن…
و لا تجيب معك شي لأنه كلشي موجود الحمدلله ..
لااا.. تجيب شي برجع بقلك برضاي عليك يا ابني لا تتأخر..
بدّي ياك تأكل اليبرق سخن و ما راح آكل لتجي ها
( و أنا ساكت ع التلفون تاركها عم تحكي )
و هون سكتت شوي و طلع صوت البكى و كملت بصوت بطيء مع الدموع و قالت :
نسيت يا أمي أنك مسافر ببلد بعيد ..و نسيت إنه نحن أنا و أبوك ببلد تاني, و نسيت إنه أخوك ببلد بعيد صار..
و كل واحد ببلد واختك ببلد ..
للحظة تذكرت أيّام زمان.. و كيف بنص ساعة كنتوا تجتمعوا عندي بالبيت , و نأكل و نضحك و نمزح..
.. يا ابني ياترى بضل عايشة لحتى نجتمع كلياتنا على سفرة وحدة .. ؟؟
يا ابني ..
مابظن نجتمع إلا عند ربنا .. راحت أيّام الفرح يا ابني.. –
و هون أنا توقف الحكي عندي و سكتت و طلع صوت بكاها أعلى , ووقفت كمان هي عن الحكي
و سكرت الموبايل و أنا عم قول : ياترى في عيلة بسورية بترجع تجتمع من جديد .؟!!
الله يرحمك يا أمي …
رحلت قل أن يكون لنا لقاء .
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى