fbpx
من الواقع

ذكريات أيام زمان !

حمام العيد ايام زمان .. معركه بكل معنى الكلمه😂😂😂

اولا مرحلة المداهمة والامساك بالضحية وتتم بمحاصرة الهدف والايقاع به
..طبعا الحمام بالدور وبتكون انت بالغرفه التانيه عم تسمع صراخ اخوك يلي عم يتحمم قبلك وبتصير تبكي تلقائيا.
فقره تشليح التياب فقرة الرعب لما بتشلحك الكنزه تقول عم تنتف ريش جاجه وطول الوقت بدك ضل قاعد قرفصه واذا فكرت انك تمتعض او تشجب بتلاقي كف بسرعة الطيارة الشبح بنص وشك
مرحلة السلق
بالنسبه للمي لازم تكون 80 درجة على مقياس ايد الوالدة ويا ويلك ويا سواد ليلك اذا حاولت تقول انحرقت بتلاقي نفس الكف بس بطعمة تانية
وفرك الراس قسما بالله تقول عم تنتقم من ابن ضرتها ..وبس تخلص تتطلع بلمرايه والبخار عم يطلع منك تقول طنجرة ظغط او راس معسل تفاحتين ..
فقرة التلييف… بتمسك الليفه الخشنة وتدعكها بالصابونه وتبلش تفرك جسمك بقوة 1000 نيوتن و طبعا فركها بجيب شلل نصفي 😂😂😂
فقرة لبس الاواعي…حدث ولا حرج 😂😂راسك اكبر من قبة لبلوزه بخمس مرات وبدو يفوت راسك غصب والمشكله لما تلبس الكنزه الثانيه وتقلك امسك لكمام ويا ويلك ويا ظلام ليلك اذا فلت منك الكم
مرحلة التمشيط
لازم ترسملك خطوط بجلدة راسك بسنان المشط
😄😄

د: سليمان عمر **الشارع العربي**

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى